Home Bota Fotografia që bëri bujë. Çfarë tregon gjuha e trupit për Trump dhe...

Fotografia që bëri bujë. Çfarë tregon gjuha e trupit për Trump dhe Merkel…

0

Kjo fotografi qarkulloi gjerësisht në internet. I përket saimitit të G7 të mbajtur në Kanada të shtunën që sapo lamë pas. Nga një shikim i parë i fotos, kuptohen qartësisht tensionet mes liderëve botërorë.

Por, çfarë tregon gjuha e trupit e Presidentit Donald Trump dhe Kancelares Angela Merkel? Ekspertja Patti Smith thotë se për analizë mjaftojnë vetëm duart e Merkel dhe krahët e Trump. Sipas saj, e gjithë vëmendja është tek Presidenti amerikan.

“Ishte sa befasuese dhe komike njëkohësisht. Në një event të tillë botëror, është e vështirë të besohet se mund të ndodhë diçka e tillë. Po shikojmë një moment se si liderët e fuqishëm botërorë po i përgjigjen sjelljes së Trump”, thotë ajo.

Sipas ekspertes së gjuhës së trupit, Presidenti Trump është qendra e vëmendjes. Krahët e vendosura kryq, tregojnë se Donald Trump nuk pranon asnjë mundësi tjetër dhe ka mbyllur çdo alternativë.

Kurse nga ana tjetër, është qëndrimi sfidues i Merkel, gjuha e trupit të së cilës tregon se ajo nuk do të ndryshojë mendim për pikëpamjet e veta. Si përfundim, Presidenti Trump duket i kënaqur nga kjo situatë, ndërsa Kancelarja Merkel është e lodhur dhe e habitur. Kjo fotografi është shkrepur nga Jesco Denzel, fotografi i qeverisë gjermane.

SHARE

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.