Home Sport Mourinho ndjek në stadium lojtarin që zbuloi Igli Tare

Mourinho ndjek në stadium lojtarin që zbuloi Igli Tare

0

Jose Mourinho vazhdon të jetë ndër trajnerët më të çuditshëm dhe më të veçantë njëkohësisht.

Ai ishte ndër të parë trajnerë që kundërshtoi Ligën e Kombeve, duke e konsideruar si një kompeticion të pakuptimtë, ndërkohë që së fundmi, trajneri i Manchester United nuk ka ngurruar që të ndjekë nga afër një takim të këtij turneu.

Ajo që bie në sy, është fakti se trajneri portugez nuk ka ndjekur ndonjë ndeshje mes skuadrave të mëdha, por ka zgjedhur pikërisht Podgoricën për të ndjekur takimin mes Malit të Zi dhe Serbisë, i mbyllur me fitoren e serbëve me shifrat 0-2.

Mediat angleze, raportojnë se tekniku portugez kishte udhëtuar drejt Podgoricës, për të ndjekur nga afër mesfushorin e Lazios, Milinkoviç-Saviç i cili u aktivizua pak minuta para fundit dhe arriti të jepte një asist.

Lojtari i zbuluar nga Igli Tare, ishte një objektiv i “djajve të kuq” në merkaton e verës, ndërkohë që për të pritet të ketë oferta në janar.

SHARE

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.