Home Kryesore Zbuloi marrëveshjen sekrete me Shqipërinë për ‘Detin’, Kotzias rrezikon 13 vite burg

Zbuloi marrëveshjen sekrete me Shqipërinë për ‘Detin’, Kotzias rrezikon 13 vite burg

0

Foli përpara kohe dhe zbuloi detaje të një marrëveshje, nga e cila Greqia përfiton një zgjerim detar prej 12 miljesh detare, por tani duket se për këtë akt rrezikon plot 13 vite burg.

Bëhet fjalë për ish-ministrin e Jashtëm të Greqisë, Nikos Kotzias i cili pasi dha dorëheqjen pas përplasjeve që pati me ministrin e Mbrojtjes, Panos Kammenos, tregoi me mburrje se kishte arritur që t’i “kafshonte” Shqipërisë një territor detar, sa sipërfaqja e krahinës së Thesprotisë.

Sipas medias greke, Nikos Kotzias, akuzohet se ka nxjerrë sekretin shtetëror me deklaratën e tij se “Greqia do të zgjerohej me 12 milje detare”, dhe si pasojë ka ekspozuar vendin.

Këto media japin edhe detaje. Me urdhër të Prokurorit të Gjykatës Supreme, do të kryhet një hetim nga Prokurori Anti-Korrupsion për deklaratat e ish-ministrit.

Por përveç hetimit për nxjerrje të sekretit shtetëror në lidhje me deklaratat për zgjerimin në 12 milje, pjesë e hetimit do të jenë edhe akuzat për përfitimin e fondeve, nga George Soros.

Sipas asaj që shkruhen në median greke, Kotzias, rrezikon në total deri në 13 vite burg pasi ka shkelur nenet 141 dhe 146 të Kodit Penal që kanë të bëjnë me dënimin për ata persona, që kanë vënë në rrezik marrëdhëniet e shtetit grek me një shtet tjetër por dhe e kanë ekspozuar ndaj një hakmarrjeje të mundshme (Turqia), si dhe nxjerrjen e dokumenteve apo sekreteve shtetërore, që duhet të mbahen konfidenciale.

SHARE

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.