103-vjeçarja suedeze vendos rekordin e parashutistes më të vjetër në botë

0 32

A është zog? A është aeroplan? Jo, është 103-vjeçarja Rut Larsson. Guximtarja suedeze ka vendosur rekordin botëror për personin më të vjetër që ka kryer hedhje me parashutë.

Larsson e përfundoi “fluturimin” e saj e lidhur me parashutistin Joackim Johansson në Motala, Suedi. “Ishte e mrekullueshme ta bëja këtë, kam qenë duke e menduar prej një kohe të gjatë”, – shpjegoi ajo.

Me familjen dhe miqtë e saj duke pritur në aeroportin më poshtë, Larsson lundroi pa probleme, përpara se ndihmësit të nxitonin për ta ndihmuar të ngrihej në këmbë, pasi preku tokën.

“Në ditët e sotme nuk shoh aq mirë, por u ndjeva mirë”, – tha ajo kur u pyet se çfarë pa gjatë “fluturimit” të saj me parashutë. Një zyrtar nga Rekordet Botërore Guinness ishte aty për ta regjistruar veprimin guximtar të gjyshes suedeze.

Larsson, e cila është 103 vjeçe e 259 ditë, ka mposhtur rekordin e mëparshëm prej 103 vitesh e 181 ditësh. “Ishte një grua amerikane që e mbante rekordin, kështu që unë duhej të mposhtja”, – shtoi Larsson, e cila kërkoi një “tortë të vogël” për ta festuar arritjen e saj.

 

Leave A Reply

Your email address will not be published.