135 raste të reja dhe 1 viktimë. Dervishi: 1600 mjekë po ndjekin personat aktivë

0 343

Covid-19 vijon të jetë aktiv në Shqipëri. Në 24 orët e fundit janë konfirmuar pozitivë 135 raste dhe pas ditëve me raste të larta të të vdekurëve, në 24 orët e fundit është shënuar vetëm 1 viktimë. Dr. Marjeta Dervishi nga Instituti i Shëndetit Publik, në deklaratën për shtyp, tha se nga 135 raste të reja, 113 raste janë në Tiranë.

Sipas saj, në spitalin Infektiv dhe “Shefqet Ndroqi” po trajtohen 122 pacientë të konfirmuar pozitivë me Covid-19, 20 pacientë janë në terapi intensive, 3 prej të cilëve të intubuar. Dervishi theksoi edhe se rreth 1600 mjekë familje në të gjithë vendin po ndjekin personat aktivë me Covid-19 që janë në banesë.

Në emër të Ministrisë së Shëndetësisë dhe Mbrojtjes Sociale, Dervishi apeloi për kujdes dhe respektim të masave. ”Vendosja e maskës në ambientet e mbyllura është e detyrueshme. Moszbatimi i kësaj mase është e dënueshme sipas aktit normativ në fuqi. Çdo barrierë mbrojtëse, e bërë edhe në kushte shtëpie, ndihmon në kufizimin e përhapjes së infeksionit. Maska prej tekstili duhet të mbulojë plotësisht hundën dhe gojën gjatë gjithë kohës”.

Kurse për ata që janë të vetëizoluar, Dr.Dervishi i bëri thirrje që të respektojnë vendimin, pasi në të kundërtën do të bëhen shkaktar për përhapjen e Covid-19. ”I bëjmë thirrje qytetarëve të prekur nga Covid-19 të respektojnë vetëizolimin, në mënyrë që të mos bëhen burim për përhapjen e infeksionit. Në rast se dyshoni se jeni i prekur apo keni patur kontakte me persona të prekur, duhet te izoloheni. Në rast se keni shenja të sëmundjes, telefononi në numrin e Urgjencës Kombëtare, 127. Telefononi në linjën e gjelbër 0800 40 40 për këshillim psikologjik apo çdo informacion për Covid-19”.

Deklarata e plotë

Ministria e Shëndetësisë dhe Mbrojtjes Sociale ju informon për situatën epidemiologjike të Covid-19. Gjatë 24 orëve të fundit në vendin tonë janë kryer 586 testime për të dyshuar të prekur nga Covid 19, ku 135 persona janë konfirmuar të prekur nga Covid 19. Shpërndarja gjeografike e rasteve pozitive ditore është si vijon: 113 raste në Tiranë, 11 në Durrës, nga 2 raste në Kukës, Vorë, nga 1 rast në Shkodër, Krujë, Has, Kavajë, Vlorë, Tropojë, Kamëz.  Gjatë 24 orëve të fundit janë shëruar 72 qytetarë, duke e çuar numrin e të shëruarve në 3227, që nga fillimi i epidemisë.

Ndërkohë rreth 1600 mjekë familjeje në të gjithë vendin po ndjekin personat aktivë me Covid-19 në që janë në banesë.  Aktualisht ne spitalin Infektiv dhe “Shefqet Ndroqi” po trajtohen 122 pacientë të konfirmuar pozitivë me Covid19, 20 pacientë janë në terapi intensive, 3 prej të cilëve të intubuar.

Një punë e madhe po bëhet në dy spitalet, Covid 1 dhe Covid 2, ku përveç pacientëve të konfirmuar pozitivë me Covid-19, po vijojnë të marrin trajtim edhe pacientë të dyshuar, të cilët po trajtohen sipas protokolleve përkatëse.
Fatkeqësisht, edhe pas përpjekjeve të mëdha të ekipeve mjekësore, nuk e ka fituar dot betejën me sëmundjen një 58 vjeçar nga Tirana.  Ministria e Shëndetësisë dhe Mbrojtjes Sociale i shpreh ngushëllimet familjes së të ndjerit.

Ministria e Shëndetësisë dhe Mbrojtjes Sociale i rikujton qytetarët se:  Vendosja e maskës në ambientet e mbyllura është e detyrueshme. Moszbatimi i kësaj mase është e dënueshme sipas aktit normativ në fuqi. Çdo barrierë mbrojtëse, e bërë edhe në kushte shtëpie, ndihmon në kufizimin e përhapjes së infeksionit. Maska prej tekstili duhet të mbulojë plotësisht hundën dhe gojën gjatë gjithë kohës.

I bëjmë thirrje qytetarëve të prekur nga Covid-19 të respektojnë vetëizolimin, në mënyrë që të mos bëhen burim për përhapjen e infeksionit. Në rast se dyshoni se jeni i prekur apo keni patur kontakte me persona të prekur, duhet te izoloheni. Në rast se keni shenja të sëmundjes, telefononi në numrin e Urgjencës Kombëtare, 127. Telefononi në linjën e gjelbër 0800 40 40 për këshillim psikologjik apo çdo informacion për Covid19

Leave A Reply

Your email address will not be published.