17 viktima dhe 695 raste të reja me Covid-19 në 24 orë

0 307

Covid-19 vijon që të jetë agresiv në vendin tonë, dhe fatalitet me jetë nuk ulen. Fatkeqësisht, në 24 orët e fundit betejën me virusin vdekjeprurës nuk e kanë fituar 17 pacientë. ”Me gjithë përpjekjet e mjekëve, në 24 orët e fundit, kanë humbur jetën 17 qytetarë me Sars-Cov2 pozitiv në spitalet COVID: 5 qytetarë nga Tirana, 2 qytetar nga Elbasani, 2 qytetar nga Përmeti, 2 qytetare nga Fieri, 1 qytetar nga Shkodra, 1 qytetar nga Prrenjasi, 1 qytetar nga Lushnja, 1 qytetar nga Gjirokastra, 1 qytetar nga Kavaja, 1 qytetar nga Shijaku, të moshave 58-79 vjeç”,-informon Ministria e Shëndetësisë.

Në 24 orët e fundit paraqitet janë kryer 1.963 dhe kanë rezultuar pozitivë 695 qytetarë. ”Rastet pozitive të konfirmuara janë identifikuar në këto bashki: 281 raste në Tiranë, 65 në Elbasan, 59 në Fier, 51 në Lushnje, 36 në Lezhë, 35 në Durrës, 32 në Gjirokastër, 23 raste në Përmet, 18 në Pukë, 15 në Korçë, nga 12 raste në Vlorë, Berat, 9 në Mat, nga 6 raste në Has, Mallakastër, nga 5 raste në Krujë, Kukës, Delvinë, nga 4 raste në Dibër, Malësi e Madhe, nga 3 raste në Devoll, Gramsh, Kuçovë, nga 1 rast në Shkodër, Tepelenë, Kolonjë”.

Lajmi i mirë është se në 24 orët e fundit janë shëruar 563 qytetarë, duke e çuar numrin e të shëruarve 22.180 që nga fillimi i epidemisë. Aktualisht, në 4 spitalet Covid, po trajtohen 463 pacientë, 37 në terapi intensive, 9 pacientë janë të intubuar. Ministria e Shëndetësisë dhe Mbrojtjes Sociale, i bën apel qytetarëve të mos e ulin vigjilencën për respektimin e rregullave dhe të shmangin daljet e panevojshme, për të ndihmuar në ndërprerjen e zinxhirit të infeksionit dhe për të ulur numrin e të prekurve nga virusi.

”MSHMS u drejtohet qytetarëve të mos neglizhojnë kontaktin me mjekun e familjes, për çdo shenjë të sëmundjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm edhe për rimbursimin e barnave për Covid-19. Urgjenca Kombëtare është 24/7 në shërbim të qytetarëve. Telefononi 127 nëse dyshoni se jeni të prekur nga Covid-19 dhe për çdo urgjencë mjekësore”,-mbyll njoftimin Ministria e Shëndetësisë.

Shpërndarja gjeografike e rasteve aktive sipas qarqeve:

Tiranë 11041
Fier 1612
Durrës 1349
Korçë 1122
Vlorë 1037
Shkodër 903
Elbasan 872
Lezhë 740
Berat 701
Gjirokastër 518
Kukës 434
Dibër 252

Leave A Reply

Your email address will not be published.