3 skenarë për zhvillimin e mësimit në shkolla/ Ministrja Kushi: 1 mijë mësues shtesë

0 64

Në një konferencë së bashku me kryeministrin Edi Rama, ministrja e Arsimit, Evis Kushi bëri një panoramë tërësore të aktualitetit në shkolla. Ajo tha se qeveria përgatiti 3 skenarë në momentin e hapjes së tyre, ku jemi ende në skenarin e parë atë të mësimit në klasa, ndërkohë që është e përgatitur për mësimin e përzier dhe online.

”Vendimi për të hapur shkollat nuk ishte i lehtë, por u konsultuam me eksperiencat ndërkombëtare. Kemi 3 skenarë mësimi në banka, mësimi i përzier dhe mësimi në distancë. Ne jemi në skenarin e parë. U hartua një udhëzues për të gjitha shkollat kemi mejet e koordinimit ku bëhet raportimi i situatës në fund të çdo dite dhe në kohë reale”,-tha ajo.

Kushi theksoi se janë 1 mijë mësues shtesë në sistem për të përballuar nevojat në raste të infektimit të mësuesve. Gjatë vizitave të befasishme në shkolla, ajo tha se ka vërejtur ndërgjegjësim maksimal të nxënësve dhe angazhim të stafit pedagogjik.

”Ju siguroj se shpesh kam bërë vizita të paparalajmëruar të befasishme për të parë realitetin në shkollat tona dhe rezulton që ndërgjegjësimi i nxënësve është maksimal, janë më të mbrojtur në ambientet e shkollës, ndërgjegjësimi dhe angazhimi i ekipeve tona është maksimal për të raportuar çdo rast”,-shtoi më tej. Sa i takon zhvillimit të mësimit online në universitete, ministrja theksoi se universitet janë të përgatitura për ta përballuar këtë situatë.

Leave A Reply

Your email address will not be published.