Ambasadori i Gjermanisë në vendin tonë, Peter Zingraf, thotë se është zgjedhje e shqiptarëve se kë do të votojnë.
Kjo ishte përgjigja e tij, pas pyetjes se a ndante të njëjtim mendim me Yuri Kim, që shqiptarët të mos votojnë për kandidatë që mbështeten nga lideri historik i demokratëve Sali Berisha.
‘Më lejoni që të mos komentoj rreth këtij fakti, se kush votohet, i takon popullit shqiptarë që të vendosë’, u shpreh ambasadori gjerman gjatë komunikimit me gazetarët.
Gjatë takimit që pati me komisionerët e qendrës së votimit, Zingraf i pyeti ata nëse situata është më e qetë se ajo e zgjedhjeve të Prillit, dhe mori konfirmim prej tyre.
‘Të gjitha zgjedhjet janë shumë të rëndësishme për vendin, për Shqipërinë. Unë personalisht jam shumë kureshtar që të shoh atmosferën e përgjithshme, gjykoj se është një përgatitje shumë e mirë e tyre.
Ardhja ime në Shkodër ishte e rastësishme, është një qytet ku vij shpesh’, deklaroi ambasadori i Gjermanisë në Tiranë, Peter Zingraf.