Bilanci i atentatit mbrëmjen e djeshme në Kurbin, është rënduar mëngjesin e kësaj të diele. Njëri nga dy të plagosurit ka ndërruar jetë në spitalin e Traumës në Tiranë disa orë pasi u transportua.
53-vjeçari Paulin Gjergji nuk ka mundur që t’u rezistojë plagëve që mori nga breshëria e plumbave duke ndërruar jetë pavarësisht tentativave të mjekëve.
Në ambientin e jashtëm të një hoteli në aksin rrugor Laç-Mamurras afër kryqëzimit të fshatit Gjormë, një person qëlloi me armë zjarri duke lënë të vdekur në vend Bujar Likën (Hasani) 37-vjeç, që dyshohet se ishte shënjestra, ndërsa të plagosur mbetën Kreshnik Tusha 21 vjeç dhe Paulin Gjergji 53 vjeç, që ndërroi jetë disa orë më vonë te Trauma në Tiranë.
