Debati i ashpër i Ramës me banorët e “5 Majit”, momenti kur ndërhyn Mazniku dhe si i kthehet kryeministri

0 31

Kryeministri Edi Rama ka publikuar debatin e ashpër me tre përfaqësues të banorëve të “5 Majit”, Paskuqanit e Laprakës, i zhvilluara paraditen e sotme në një nga zyrat e Kuvendit.

“Në Kuvendin e Shqipërisë me banorë të prekur nga prishjet në kantierin e lagjes së re “5 maji”, ku askush nuk është lënë jashtë angazhimit të qeverisë për strehim”, shkruan Rama.

Pjesë nga diskutimet:

Rama: Kam qenë i pari që kam kërkuar që kjo çështje të zgjidhet me legalizim, edhe u bë procesi i legalizimit. Gjithashtu, ju është thënë që të legalizohet çdo gjë që nuk pengon zhvillimin, se nuk mund të legalizojmë edhe aty ku do hapet kanali, edhe aty ku do bëhet rruga.
Nënë Liza: Nuk është për rrugë.
Rama: Do më dëgjosh mua tani, se të dëgjova. E di atë fjalën ‘të rrimë shtrembër, e të flasim drejtë’. Tani, shtëpia juaj dhe e atyre tjerëve, që janë pa legalizuar, nuk legalizohen, por ne nuk kemi thënë në asnjë moment që ju do të dilni jashtë. Ju keni bërë aty një investim dhe ne në rrugë nuk ju lëmë. Dakord. Ne aty do bëjmë një lagje të re, që njerëzit të jetojnë si njerëz, jo të jetojnë si kafshë në mes të plehrave, sepse për ne gjëja më e rëndësishme janë fëmijët dhe ata nuk mund të rriten në ato lagje me plehra, por duhen të kenë shkollë, park, etj. Ne nuk po ju prishim juve banesat që t’ua japim të tjerëve, për një zhvillim privat, por ne aty do të ndërtojmë një lagje, ku do strehojmë të gjithë ata që janë goditur nga tërmeti, si dhe të gjithë ju.
Banorja: Mua jo, se jam pa leje.
Rama: Edhe ty që je pa leje.
Banorja: Do ma japësh fjalën ti?
Rama: Zonjë, do më dëgjosh mua, apo jo, se ti s’po më dëgjon, po më ndërpret. Më lërë të mbaroj.
Banorja: Mendova se do mbaroni, e do ikni, se kështu na e kanë bërë edhe herë të tjera.
Rama: Kështu ua kam bërë unë?
Banorja: Jo.
Rama: Ju për mua jeni njësoj të gjithë. A ka mundësi të më dëgjosh deri në fund.
Nënë Liza: E kam bërë atë shtëpi me legalizime e me të gjitha.
Rama: A ka mundësi të më dëgjosh mua. Mund të kesh kundërshti sa të duash, por duhet të dish çfarë do të bëjmë ne.
Nënë Liza: Jo, jo, e di që ç’kemi çfarë të bëjmë.
Banorja: S’duam më gënjeshtra.
Rama: A ka mundësi të më dëgjosh, se po të kërkoj fjalën 17 herë, se nuk të lini as me folë. Ne do bëjmë atje një lagje të re, që do jetë një nga lagjet më të bukura të Tiranës. Ua Zot i madh, do të të nxjerr jashtë.

Rama: Do u japim shtëpi ne atyre nëne, nuk ka shans t’i lëmë jashtë.
Banorja: Kemi 12 dhoma dhe…
Rama: 12 dhoma s’e di unë. Do marrësh shtëpi nga ne, nëse të pëlqen, merre, në të kundërt mos e merr. Unë po ju them se do të merrni të gjithë shtëpi falas. Kuptove?! Falas. Nëse nuk e doni shtëpinë, mos e merrni.
Banorja: Duam të na kompensohet prona me ato metra.
Rama: Do marrësh shtëpinë si të takon, njësoj si ata të tërmetit.

Banorja: S’kam lidhje me tërmetin unë.
Rama: Prit t’iu sqaroj detajet.
Banorja: Mirë sqarohu.
Rama: Pse bërtet. Do merrni shtëpi me kontratë, njësoj si ata të tërmetit, asnjë ndryshim, sepse nuk keni asnjë meritë të veçantë ju, që të trajtoheni të veçantë. Ne nuk ju japim dot vila.
Banorja: Nuk duam vila, por e kam pronën time.
Rama: Ajo është pronë e popullit shqiptar. Ti tokë aty s’ke.
Banorja: Jemi pronarë të ligjshëm.
Rama: Mos më tregoni mua përralla me mbret. A ka mundësi të flisni me radhë.
Banorja: A mund të parashtroj kërkesat, se ky zotëria (Mazniku)…
Rama: Mos u merr me atë, fol me mua.
Banorja: Kemi folur me avokatë.
Rama: Avokatët lekë duan, harxhoni lekë me avokatë.
Banorja: Po nëse ju s’na jepni përgjigje…
Rama: Përgjigjja ime është që ju do të merrni bonusin e qirasë.
Nënë Liza: Unë nuk e kam me taksat e shqiptarëve. Ne duam të drejtën tonë.
Rama: Çfarë doni?
Nënë Liza: Ne duam të drejtën tonë.
Rama: Ju mund të doni shumë gjëra, ne do u japim çfarë duam ne.
Nënë Liza: Nuk të besoj më.
Rama: Mos beso. Me mua nuk flet dot kështu. Kur je këtu përballë meje, zotnia juaj duhet të mendohet kur flet, se unë nuk jam nga ata që them ‘po’, e nuk e bëj. Ju do të merrni një kontratë, sipas së cilës, ju do të merrni shtëpi, kur të mbarojë ndërtimi. Ndërtimi do të mbarojë, kur të mbarojë. Deri kur të mbarojë ndërtimi, ju do të jeni me qira të paguar nga qeveria.
Banorja: Unë nuk kërkoj asgjë, por dua kontratën.
Rama: Po patjetër.
Banorja: Jam e para që kam paguar që në vitin 2000.
Rama: Të lumtë, ata që janë me certifikatë nuk bëhet fjalë, marrin dëmshpërblim, ata që janë pa certifikatë, marrin bonusin e qirasë.
Banorja: Duam të flasim me fakte.
Rama: Fakt është që ka ardhur shkresa që në vitin 2021.

Leave A Reply

Your email address will not be published.