Dekompozimi i kufomave nën rrënoja, Mariupol rrezikohet nga përhapja e epidemive

0 48

Mariupol, i cili tashmë ndodhet nën gërmadha për shkak të bombardimeve të vazhdueshme është kryesisht nën kontrollin rus.

BBC raporton se rreth 100,000 banorë të mbetur atje janë në “rrezik vdekjeprurës” për shkak të kushteve “josanitare” dhe “mesjetare”, ka deklaruar këshilli i qytetit.

Ekziston një rrezik nga sëmundje të tilla si kolera dhe dizenteria për shkak të mungesës së kanalizimeve, tha ai.

“Epidemitë e fuqishme dhe vdekjeprurëse” së shpejti mund të përhapen ndërsa bëhet më e ngrohtë, postoi këshilli në Telegram.

Ai shtoi se dekompozimi i mijëra kufomave nën rrënoja – dhe një mungesë katastrofike e ujit të pijshëm dhe ushqimit – mund të shtojë shpërthimin.

“Okupatorët nuk janë në gjendje t’i ofrojnë popullatës ekzistuese ushqim, ujë dhe ilaçe – ose thjesht nuk janë të interesuar për të,” tha kryetari i bashkisë së qytetit, Vadym Boychenko, duke bërë thirrje për evakuim të menjëhershëm dhe të plotë të Mariupolit.

“Ata bllokojnë të gjitha përpjekjet për evakuim dhe pa këtë, njerëzit do të vdesin.”-vijoi më tej.

Leave A Reply

Your email address will not be published.