Ish-kryeministri Sali Berisha është pyetur nga gazetarët nëse do t’i drejtohet selisë së PD, pasi kjo e fundit nuk arriti të merrte asnjë bashki në zgjedhjet e pjesshme të 6 marsit.
Berisha nuk ka folur për planet e tij pas këtyre zgjedhjeve por është shprehur se “në ditët në vijim do të njiheni me çdo lëvizje”.
Gazetarja: A do të hyni në seli?
Berisha: Në ditët ne vijim do të njiheni me çdo lëvizje.
Kandidati i Berishës në Shkodër, Bardh Spahia arriti të merrte bashkinë e këtij qyteti, ndërsa 5 bashkitë e tjera u morën nga Partia Socialiste. Ajo që u vu re në këto zgjedhje të pjesshme ishte se Partia Demokratike u rendit forcë e tretë në 5 nga 6 bashkitë që u zhvilluan zgjedhjet.
