E kishte mbushur makinën me armë dhe municion luftarak, e pëson keq i riu në Tiranë

0 34

Policia e Tiranës ka shtuar kontrollet në kryeqytet për kapjen e personave që qarkullojnë me armë zjarri apo i mbajnë ato pa leje në banesë.

Si rezultat i kontrolleve, nga shërbimet e Komisariatit të Policisë Nr. 4 është goditur një rast i armëmbatjes pa leje, duke u vënë në pranga një 23-vjeçar që posedonte një armë zjarri pistoletë dhe fishekë luftarak.

Gjatë aksionit, policia ka sekuestruar një armë zjarri pistoletë, municion luftarak, një pistoletë zhurmuese, maskë, thikë e sende të tjera të kundërligjshme.

Njoftimi i plotë:

Në zbatim të planit të masave për parandalimin, evidentimin dhe goditjen e veprimtarisë kriminale në fushën e armëmbajtjes pa leje, si rezultat i kontrolleve të shtuara nga shërbimet e Komisariatit të Policisë Nr. 4, bazuar edhe në informacionet e marra në rrugë operative, u arrestua në flagrancë shtetasi M. G., 23 vjeç, banues në Tiranë.

Pas lokalizimit dhe ndalimit të mjetit me të cilin po qarkullonte ky shtetas, shërbimet e Policisë kanë ushtruar kontroll në mjet dhe kontroll fizik nga drejtuesit, të cilit i kanë gjetur një sasi fishekësh. Në vijim të kontrollit, në banesën e tij, Policia gjeti një armë zjarri pistoletë, fishekë luftarak, një pistoletë zhurmuese, fishekë zhurmues, një thikë, një shkop bejzbolli, një kuti metalike me një sasi saçmash për armë sportive dhe një maskë, të cilat u sekuestruan në cilësinë e provës materiale, së bashku me automjetin me të cilin udhëtonte 23-vjeçari.

Metarialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

Leave A Reply

Your email address will not be published.