Ka nxitur një debat, fotografitë e publikuara nga një thertore në Japoni, ku dhjetëra punëtorë merren me rrjepjen e lëkurës dhe ndarjen e mishit të një balene gjigante. Fotografitë tregojnë balenën 10 metra të gjatë që ndahet ne pjesë, pasi mishi i saj është pjesë e kuzhinës tradicionale të vendit. Japonia ka një histori 400-vjeçare të gjuetisë së balenave. Ka rifilluar vetëm prej një viti gjuetinë e tyre për qëllime tregtare, një aktivitet i ndërprerë në vitin 1986. Përgjatë këtyre viteve gjuetia për qëllime shkencore nuk është ndalur.
