Një nënë, vajza e së cilës u rrëmbye dhe u vra nga një kartel droge në Meksikë, shpenzoi vite të tëra duke ndjekur autorët e ngjarjes, në një mision vetëvrasës, që i ngjan filmit të Hollywood, Taken.
Miriam Elizabeth Rodríguez Martínez nga San Fernando i Tamaulipas, u bë një nga aktivistet kryesore në Meksikë për fëmijët e zhdukur, pas rrëmbimit të vajzës së saj Karen Alejandra Salinas Rodriguez në vitin 2012. Ajo arriti të krijonte mundësitë për arrestimin e 10 kriminelëve, përpara se të vritej përpara shtëpisë në 2017.
20-vjeçarja Karen u rrëmbye në qytetin verior të Meksikës në janar të viti 2012, nga një grup i kartelit Los Zeta, të cilët e futën me forcë në makinën e tyre. Rrëmbyesit e saj kërkuan mijëra në dollarë në këmbim të lirimit, por edhe pse familjarët ranë dakord, ata e vranë 20-vjeçaren, trupi i së cilës u gjet në një fermë 2 vite më vonë.
Në vitet pas rrëmbimit dhe vdekjes së Karen, Miriam i mori gjërat në kontroll, duke bërë shumë përpjekje për të ndjekur vrasësit e vajzës së saj në të gjithë vendin dhe madje edhe në anën tjetër të kufirit.
Duke përdorur maskime të ndryshme, një pistoletë false dhe identitet të rremë, nëna arriti të gjente dhe të merrte në pyetje disa anëtarë të kartelit Los Zetas, një nga më të rrezikshmit dhe më të dhunshmit në vend. Rodriguez u vra më vonë në 2017, pasi u qëllua 12 herë jashtë shtëpisë së saj. Hetimi i saj çoi në arrestimin e të paktën 10 kriminelëve të përfshirë në kartel, përfshirë Cristian Jose Zapata Gonzalez, i cili ishte vetëm 18 vjeç në atë kohë.
