Ish-deputeti Tavo: Presidenti Meta gardian i Kushtetutës. E tha Venecia, sot e pranoi me turp edhe Rilindja

0 20

Këtë të hënë në Kuvend u miratua raporti i Komisionit të Posaçëm të ngritur nga shumica socialiste për shkarkimin e Presidentit Ilir Meta, por që doli në përfundimin që Presidenti nuk duhej shkarkuar.

Ish-deputeti i LSI-së, Vangjel Tavo, përmes një postimi në facebook, thotë se kreu i shtetit është gardian i Kushtetutës dhe se pa të, nga sekti i Rilindjes do të ishim kthyer në diktaturë. Sipas tij, këtë e tha edhe Venecia dhe që sot e pranoi me turp edhe Kuvendi.

”Këtë tha edhe Venecia! Këtë iu desh ta pranojë sot me turp edhe parlamenti i kastruar bashkë me sektin që e kontrollon të cilët nisën një proces farsë shkarkimi por që u mbyll për turpin e tyre! Neni 2/1 i Kushtetutës: “Sovraniteti në Republikën e Shqipërisë i përket popullit”. Këtë nen Presidenti Meta e ka respektuar që në momentin e betimit të tij me dorën mbi Kushtetutë dhe do e mbrojë dhe promovojë atë deri në fund”:

Postimi i plotë

Presidenti Ilir Meta është një shtetar i vërtetë, mbrojtës i unitetit të popullit dhe gardian i Kushtetutës. Çdo akt dhe dekret i tij ka qenë në përputhje dhe mbrojtje të gërmës dhe frymës së Kushtetutës.

Pa shtetarinë dhe kushtetutshmërinë e Presidentit Ilir Meta nuk do kishim sot Republikë por për shkak të përpjekjeve nga sekti i Rilindjes për të kapur shtetin do ishim kthyer në diktaturën që lamë pas 30 vite më parë.

Këtë tha edhe Venecia! Këtë iu desh ta pranojë sot me turp edhe parlamenti i kastruar bashkë me sektin që e kontrollon të cilët nisën një proces farsë shkarkimi por që u mbyll për turpin e tyre!

Neni 2/1 i Kushtetutës:

“Sovraniteti në Republikën e Shqipërisë i përket popullit”.

Këtë nen Presidenti Meta e ka respektuar që në momentin e betimit të tij me dorën mbi Kushtetutë dhe do e mbrojë dhe promovojë atë deri në fund!

Leave A Reply

Your email address will not be published.