“Jam shtatzënë”- Bora Zemani provokon me barkun e “rrumbullakosur”, por … Djali i saj: Me një beb të madh

Moderatorja Bora Zemani ka menduar t’i bëjë një lojë ndjekësve të saj në TikTok.

Ajo ka publikuar një video në rrjetin sociale ku shfaqet me barkun “e rrumbullakosur”, duke u shtirur sikur është në pritje të ëmbël.

Prezantuesja kishte vendosur kokën e djalit të saj, Arborit poshtë bluzës dhe iu drejtua me shaka: “Sa barku i madh. Jam shtatzënë”.

“Me një beb të madh”, tha vogëlushi, i cili nxori më pas kokën nga bluza duke qeshur.

Bora Zemani gjatë muajve të fundit ka qenë në qendër të vëmendjes për shkak të mënyrës se si romanca e saj dhe e Donald Veshajt mori fund. Aktori vendosi të tradhtojë moderatoren duke u lidhur në shtëpinë e BBV me këngëtaren Beatrix Ramosaj.

Megjithtë, duket se moderatorja e ka hedhur pas krahëve këtë histori dhe është e lumtur.

Këtë deklaroi në një intervistë në festën e 30-vjetorit të lindjes së saj, ku u shpreh: “30-vjetori më gjen mirë në fakt. Kjo është një arsye pse doja që ta organizoja të tillë. Këtë 30 vjetor ndihem shumë e përmbushur. Kam afër vetes familje, miq të ngushtë, miq të tjerë që i kam njohur gjatë rrugës, kolegë të mirë dhe ndihem e lumtur sepse sot kanë ardhur të gjithë që kam ftuar, kjo tregon shenjë respekti shumë të madh pavarësisht se ndoshta rrugët tona janë ndarë. Jam shumë e lumtur, nga të gjitha anët jam shumë e përmbushur”, tha ajo në një intervistë për “Prive” gjatë festës së ditëlindjes, ku ishin të ftuar VIP-a dhe ish-bashkëshorti i saj, Vin Veli.

Bora Zemani i bëri edhe një urim vetes, ndërsa hodhi kunja për ish-dashurinë e saj, duke thënë se “s’po vuan për dashuri”.

“I uroj vetes dashuri, unë kam nevojë për shumë dashuri. E marr nga të gjitha format dhe nuk po vuaj për dashuri këto kohë sepse kam shumë dashuri rreth vetes”, tha prezantuesja.