Kancelari gjerman viziton Shqipërinë në muajin qershor

0 24

BE-ja do të duhet të fillojë përgatitjen e një fondi solidariteti për të mbështetur rindërtimin e Ukrainës pas luftës.

Kështu deklaroi kancelari gjerman Olaf Scholz. Duke iu drejtuar parlamentit përpara një takimi të liderëve të BE-së, Scholz tha se presidenti francez Emmanuel Macron ka të drejtë që anëtarësimi i Ukrainës në BE nuk është çështje disa muajsh apo disa vitesh; prandaj është edhe më e rëndësishme të fokusohemi në mbështetjen pragmatike dhe të menjëhershme.

“Rindërtimi i infrastrukturës së shkatërruar dhe rinisja e ekonomisë ukrainase do të kushtojë miliarda,” tha ai. “Ne si BE duhet të fillojmë të hedhim themelet për një fond solidariteti të financuar nga kontributet e BE-së dhe partnerëve të saj”. Duke folur në Bundestag, Scholz tha se ai nuk ishte në favor të dhënies së Ukrainës një “shkurtore” për anëtarësimin në BE. “Fakti që nuk ka rrugë të shkurtër në rrugën drejt anëtarësimit në BE është një imperativ drejtësie kundrejt gjashtë vendeve të Ballkanit Perëndimor”, të cilat prej kohësh duan të bashkohen me bllokun evropian.

Kancelari gjerman tha gjithashtu se do të udhëtojë në Ballkanin Perëndimor përpara mbledhjes së Këshillit Evropian muajin e ardhshëm, duke sjellë mesazhin se rajoni i përket Bashkimit Evropian.

Gjashtë vendet e Ballkanit Perëndimor me aspirata për anëtarësim në BE – Mali i Zi, Serbia, Shqipëria, Maqedonia e Veriut, Bosnja dhe Hercegovina dhe Kosova – janë angazhuar në një proces reformash afatgjatë, tha Scholz.

“Nderimi i angazhimeve tona ndaj tyre nuk është vetëm çështje besueshmërie. Sot më shumë se kurrë, integrimi i tyre është edhe në interesin tonë strategjik”, tha ai.

Leave A Reply

Your email address will not be published.