Nuk ka më dyshime, Kristian Eriksen do të rikthehet në futbollin e luajtur dhe këtë do ta bëjë në Premier Ligë. Ylli danez ka firmosur një kontratë me klubin e Brentfordit për 6 muaj.
Mesfushori lë pas krahve makthin e 12 qershorit ku në ndeshjen e fazës së grupeve të Kampionatit Europian mes Danimarkës së tij ndaj Finlandës ai rrëzua në tokë përpara minutave finale të pjesës së parë duke pësuar një atak kardiak.
E gjithë bota e futbollit dhe jo vetëm u sensibilizua me yllin danez i cili falë përpjekjes së mjekëve dhe lojtarëve në fushë u përmend dhe ia doli mbanë të rikthehej sërish në jetë.
Këtë lajm e ka bërë vetë publike skuadra londineze me anë të disa postimeve në llogaritë e saja zyrtare.
