Lady Gaga trondit me rrëfimin: Çdo ditë mendoja si të vrisja veten

0 286

Këngëtarja Lady Gaga në një intervistë për ”CBS Sunday Morning”, ka folur hapur për problemet me shëndetin mendor dhe luftën me depresionin. Artistja promovoi albumin e saj më të ri, Chromatica dhe u shpreh se këngët tregojnë pjesët më të errëta të jetës së saj përfshirë këtu edhe betejën me shëndetin mendor.

“Nuk ka asnjë këngë në atë album që nuk është e vërtetë, asnjë! E urreja që isha e famshme, e urreja që isha një yll, ndihesha e rraskapitur dhe e konsumuar. Nuk është gjithmonë e lehtë t’i lejosh të tjerët të shohin kur ke probleme mendore”,-është shprehur Lady Gaga. Duke cituar tekstin e këngës “911” ajo tha se i referohet mjekimit që i duhej të merrte në kohën kur ndihej në panik për emrin e famën e saj.

Ajo ka shtuar gjatë gjithë kohës mendonte të vriste veten, ndërsa shton se familjarët e ruanin nëse ajo ishte e sigurt apo jo. ”Nuk e kuptoja pse duhej të jetoja, përveçse duhej të isha aty për familjen time. Ky ishte një mendim dhe ndjenjë e vërtetë, përse duhet të jem në jetë? Unë jetova në këtë shtëpi, ndërkohë që njerëzit më ruanin për 2 vite për t’u siguruar nëse isha e sigurt.”-rrëfeu Gaga.

Leave A Reply

Your email address will not be published.