Lajmi i fundit/Rendi dhe siguria zero, shënohet tjetër vrasje në Shqipëri

0 316

Pa u kapur autorët e vrasjes në Rrëshen, një tjetër vrasje është shënuar mëngjesin e kësaj të enjte, këtë herë në Berat. Sipas Policisë së Shtetit, një 44-vjeçar ka qëlluar për vdekje një 41-vjeçar, dhe se ky i fundit është vënë në pranga. Autori i krimit është vënë në pranga pak minuta pas ngjarjes. Mësohet se shkaku i vrasjes, sipas dëshmisë që vetë autori ka dhënë në polici, kanë qenë ofendimet e shumta që ai merrte çdo ditë nga pronari i stallës. Ai pretendon se viktima e shante çdo ditë dhe së fundmi kishin edhe debate për qiranë e stallës së derrave, duke e çuar në këtë krim.

Njoftimi i Policisë së Shtetit

Policia e Beratit kap dhe arreston në kohë rekord autorin e vrasjes së 41-vjeçarit. Vrau me armë zjarri për motive të dobëta qiramarrësin e objektit, kapet dhe vihet në pranga 44-vjeçari.

Shërbimet e Komisariatit të Policisë Berat, në bashkëpunim me strukturat hetimore të Drejtorisë Vendore të Policisë Berat dhe forcat e posaçme “Shqiponjat”, pas njoftimit të marrë se tek liqeni në afërsi të fshatit Goraj të Beratit kishte ndodhur një vrasje me armë zjarri, menjëherë kanë shkuar në vendngjarje.

Falë veprimeve të shpejta profesionale dhe hetimore, krehjes së zonës dhe reagimit të menjëhershëm duke rrethuar zonën në një perimetër të gjerë bënë të mundur kapjen dhe arrestimin e autorit të dyshuar të ngjarjes, shtetasin: V.P, 44-vjeç, banues në Kuçovë.

Gjithashtu, shërbimet e Policisë kanë sekuestruar në cilësinë e provës materiale automjetin tip furgon me të cilin autori tentoi të largohej, si dhe armën e zjarrit kallashnikov me të cilën dyshohet se ka kryer krimin. Ky shtetas, mëngjesin e sotëm, në oborrin e një lokali në liqenin e fshatit Goraj ka vrarë me armë zjarri, për motive të dobëta, shtetasin A. G., 41 vjeç, pasi kishte debate të vazhdueshme dhe pretendonte se ai e ofendonte përditë.

Shtetasi V. P. i kishte marrë me qira një stallë derrash 41-vjeçarit dhe kishte mosmarrëveshje të vazhdueshme me të me të pasi pretendonte se qiramarrësi e shante dhe ofendonte përditë. Grupi hetimor, nën drejtimin e Prokurorisë, ndodhet në vendngjarje dhe vijon puna për sqarimin e plotë të rrethanave të ngjarjes.

Leave A Reply

Your email address will not be published.