“Në 8 vite u instalua një regjim arrogant”, Berisha: Ndryshimi është premtimi ynë!

0 44

“Shtëpia e Lirisë” ka prezantuar këtë të mërkurë kandidatin e koalicionit për bashkinë e Lushnjes, Elton Bano, për zgjedhjet vendore.

Ndërsa mbajti fjalën e tij, ish-kryeministri Sali Berisha gjithashtu falënderoi qytetarët për mbështetjen e tyre.

“Ju shpreh mirënjohjen më të thellë për të këtë pritje të zjarrtë që i bëni kandidatit tonë për Bashkinë e Lushnjes, pasardhës i një familje që ju e njihni. Ne sot jemi në një fushatë të pjesshme lokale, por rëndësia e saj është shumë më e madhe se sa fushata e zakonshme. Kjo fushatë, këto votime duhet të shënojnë atë moment që është më jetik sot për çdo shqiptar që do të jetojë në këtë vend. Duhet të shënojë ndryshimin. Kam ardhur këtu në vitin 92 president Republike, dilja para jush dhe shkoja në kancelari të Europës dhe botës. Ndryshimi që shënuam sëbashku solli që në 2013 ne shqiptarët që kishim rroga të barabarta me Ugandën të kemi rrogat më të mëdha në rajon”, tha Berisha.

Gjithashtu ish-kryeministri Sali Berisha, theksoi se Shqipëria ka nevojë për ndryshim. Berisha nuk i kurseu kritikat ndaj kryeministrit Edi Rama dhe kreut të PD, Lulzim Basha.

“Këto 8 vite u instalua një regjim që nuk përfilli asnjë nga interesat tuaja fisnike. U instalua një regjim arrogant, pa lidhje me qytetarin. Taksat tuaja nuk u përdorën për rritjen e rrogave tuaja. Në 8 vite u rrokullisem në vendin me rroga më të ulëta se Kosova. Ky është një dëshpërim dhe sjell largim të njerëzve. Mes Elton Banon dhe përfaqësues socialiste apo të Lul Bravës, dallimi është si nata me ditën. Mund të numëroj të gjitha vjedhjet e bashkisë së Lushnjes. Ndryshimi është premtimi ynë. Ju garantoj që biri juaj që doli me primare, nuk është propozuar nga askush nga sipër, por demokratë të Lushnjes. Nëse duan ndryshimin, liria është eleksiri i ndryshimit ndaj dhe ne do të bëjmë gjithçka të zgjerojmë lirinë. Ky është një moment kritik për vendin. Edi Rama erdhi në pushtet përdori çdo gjë kundër votës tuaj. Lulzim Brava në mënyrë më të pabesë tradhtoi votën, në vend që të na thërriste të gjithëve të dilnin në shesh dhe përmbysnim rezultatin. Edi Rama i ka dhënë atij vulën me policë, i dha logon e PD dhe e rrëmbyen. Ai ka vendosur shpirtin e tij, logon e grabitur të partisë dhe vulën e saj në dispozicion të Ramës. Ndaj çdo votë për kandidatin e Bashës shkon për Edi Ramën. Ata që preferuan emëruan e Lul Bravës le të dëgjojnë dërdëllitjet e Taulantit Ballës që vjen bën fushatë për ta”, u shpreh Berisha.

Leave A Reply

Your email address will not be published.