Një ditë para bisedimeve me Putin, kancelari gjerman përfundon takimin me Presidentin e Ukrainës

Kancelari gjerman, Olaf Scholz dhe presidenti ukrainas, Volodymyr Zelenskiy kanë mbajtur një konferencë për mediat pas takimit të zhvilluar këtë të hënë në Kiev.

Siç raporton The Guardian, Scholz ka deklaruar që ai dhe Zelenskiy kishin folur për sanksionet dhe rëndësinë e masave parandaluese të një lufte nga ana e Rusisë, duke shtuar:

“Nuk kanë qëllime të mira aktivitetet në kufirin ukrainas. Sovraniteti dhe integriteti territorial i Ukrainës nuk është i negociueshëm. Ne presim që Rusia të ndërmarrë hapa të qartë për të zgjidhur situatën”.

Ndërkohë Zelenskiy ka thënë: Siguria e Ukrainës është siguria e gjithë Evropës”.

***