PS kërkon zgjedhje më 9 maj 2021/Presidenti Meta: Cilësia është kryesore, jo data

0 83

Pas Mbledhjes së Këshillit Kombëtar të Integrimit, Presidenti i Shqipërisë, Ilir Meta i është përgjigjur interesit të mediat, lidhur me propozimin e bërë një ditë më parë nga kreu i grupit parlamentar të PS-së Taulant Balla, për të mbajtur zgjedhjet e ardhshme parlamentare më 9 maj 2021.

Kreu i shtetit tha se cilësia është kryesore, pasi data mund të jetë edhe nesër por ai theksoi se mbetet ende shumë punë përpara për të treguar përgjegjshmëri.

”Mendoj që mbledhja e sotme e këshillit të Integrimit ishte mjaft e rëndësishme për të kuptuar detyrat që na presin e duhet ti përmbushim, theksoj edhe një herë metodologjia e re e zgjerimit sic ofron avantazhe për të gjithë vendet që u qëndrojnë detyrimeve, mund të sjellë edhe kthim pas të procesit dhe në këtë drejtim dua të vlerësoj edhe dakordësimin e fundit të Këshillit Politik për reformën jo si një marrëveshje që zgjidhi gjithçka por si një hap i mjaftueshme për të ecur në rrugën e dakordësimit për të realizuar zgjedhje të reja, siç e kërkojnë edhe kushtet e BE që janë shumë të qarta në këtë drejtim. Cilësia është kryesore, data për mua do të ishte dje, por mbetet ende shumë punë përpara për të treguar përgjegjshmëri”.

Leave A Reply

Your email address will not be published.