Putin: Sanksionet perëndimore janë baraz me shpallje lufte

0 149

Presidenti rus Vladimir Putin paralajmëroi të shtunën se Moska do ta konsideronte si përfshirje në konflikt nëse një palë e tretë do të vendoste për një zonë ndalim fluturimi mbi Ukrainë.

Ndërsa forcat ruse vijuan sulmet e tyre në Ukrainë, zoti Putin tha se sanksionet perëndimore ishin të ngjashme me shpalljen e luftës.

Komentet e presidentit rus vijnë ndërsa presidenti ukrainas Volodymyr Zelenskyy i kërkoi NATO-s të ndalonte fluturimet mbi Ukrainë.

Vendet anëtare të NATO-s po ofrojnë ndihmë ushtarake për forcat qeveritare të Ukrainës për luftën kundër ushtrisë ruse, Por aleanca ka refuzuar kërkesat e Ukrainës për të zbatuar një zonë ndalim-fluturimi mbi vend, duke thënë se kjo mund të provokojë një konflikt shumë më të gjerë dhe akoma më të rrezikshëm.

Ndërkohë presidenti ukrainas Volodymyr Zelenskyy thotë se forcat ukrainase kontrollonin qytetet kryesore në pjesën qendrore dhe juglindore të vendit, ndërsa rusët po përpiqeshin të bllokonin dhe mbanin të rrethuar qytete si Kharkiv, Mykolaiv, Chernihiv dhe Sumy.

Leave A Reply

Your email address will not be published.