Rama: Më 1 maj të gjitha shërbimet kalojnë online, mbyllen sportelet

0 36

Kryeministri Edi Rama ka bërë me dije se nga 1 maji, çdo shërbim publik do të ofrohet online, ndërsa nuk do të ketë më sportele. Për kryeministrin kjo është një epokë e re dhe një stacion historik i Revolucionit Digjital.

“Në 1 MAJ nis epoka e re e shërbimeve pa sportele. Shqipëria ka hyrë në elitën e vendeve më të zhvilluara për qeverisjen digjitale, dhe është ndër të parat që i ofron shërbimet me dokumente përmes platformës kombëtare digjitale. Ky është një stacion historik i Revolucionit Digjital ku mbarojnë radhët, zvarritjet dhe bakshishet e një epoke që ka mbërritur në hapat e saj të fundit”, shkruan Rama.

Drejtoresha e AKSHI-t, Mirlinda Karçanaj u shpreh se duke nisur nga 30 prilli, do të ndryshojë mënyra se si administrata i shërben qytetarëve dhe bizneseve.“Shqipëria renditet e para në rajon për shërbimet dixhitale. Nuk është ky raporti i vetëm, raporti vjetor i OECD Sigmës e vendosi Shqipërinë në vend të parë për qeverisjen dixhitale. Qytetarët shqiptarë shërbehen më mirë, më shpejt dhe janë më të kënaqur se qytetarët në Maqedoni, Kosovë, Bosnje Hercegovinë. Krahas familjaritetit që qytetarët kanë me e-albania, raporti vlerëson investimin e qeverisë në infrastrukturë. Janë 17 milionë transaksione çdo ditë. Sipas raportit të Sigmës, shërbimet janë më të mirë, cilësia e tyre është rritur. Vlerësim kemi marrë dhe nga raportet e DASH, OKB dhe BE.E kemi nisur me vetëm 14 shërbime, sot janë 1225. E kemi nisur me 50 mijë, sot janë 2.5 milion qytetar dhe biznese që e përdorin çdo ditë platformën e-albania. Të gjithë mund ta imagjinojmë se çfarë transformimi ka sjellë. Sot është koha për tjetër transformim. Nga 30 prilli, do të ndryshojë mënyra si administrata i shërben qytetarëve dhe bizneseve. Përgjigjet do të monitorohen në kohë reale dhe shërbimet që nuk kanë nevojë për prezencë të personit dhe mjetit, do të merren vetëm në e-albania. Janë plot 20 milionë dokumente të gjeneruara me vulë dixhitale. Këto përkthehen në 20 milionë ecejake që ia kemi kursyer qytetarëve dhe bizneseve. Nuk ka më ryshfete e strapacime. Do i japim fund njëherë e përgjithmonë korrupsionit e bakshisheve. Do të kemi zero letër të printuar, zero dokumente të humbura zero bojë apo printera që amortizohen. Brenda 2 viteve të ardhshme, të kemi një sistem të qendërzuar për të gjithë punën e administratës publike. Administrata do të kalojë komplet pa letër. Mezi pres arritjet e radhës”, tha Karçanaj.

Leave A Reply

Your email address will not be published.