Sot është parashikuar mbledhja e radhës e të mandatuarve politik për Reformën Zgjedhore, por opozita jashtëparlamentare pas shembjes së Teatrit vendosi të mos paraqitet në tryezë.
Duket se konsensusi politik mes palëve ka zgjatur vetëm një javë që nga takimi i fundit më 13 maj. Pas së djeshmes, Basha tha se opozita ka vendosur të bojkotojë takimin e sotëm për Reformën Zgjedhore.
Edhe pse PD dhe LSI do mungojnë dy bashkëkryetarët e Reformës Zgjedhore, Damian Gjiknuri dhe Rudina Hajdari do të paraqiten në vend takim në respekt të tryezës.
