Gati 39 mijë raportime janë bërë nga qytetarët tek Komisariati Dixhital për shkelje të ndryshme në aplikacionin e ngritur 5 vite më parë. Komisariti Dixhital u ngrit nga qeveria në vitin 2015-të, kohë kur ministria e brendshme drejtohej nga Saimir Tahiri.
E ideuar si një platformë online ku qytetarët mund të raportojnë me foto ose video shkelje të ndryshme apo vepra penale duke i siguruar anonimatin, Komisaiati Dixhital vijon të jetë një databazë e vlefshme në duart e policisë.
Referuar të dhënave zyrtare për 10 mujorin e 2020-ës në këtë platformë kanë mbërritur 38 mijë e 852 njoftime nga publiku ose 3.9 % më shumë se e njëjta periudhë e vitit 2019-të. E thënë ndryshe, në adresë të uniformave blu kanë mbërritur online rreth 1500 ankesa më shumë.
