Rritja e të ardhurave ngadalësohet, por Meta-Facebook i kalon pritshmëritë me miqtë aktivë

0 48

Miqtë në Facebook rriten dhe Meta, i nxitur nga një fitim përtej pritshmërive, fluturon drejt Wall Street.

Kompania e Mark Zuckerberg, pas rezultateve zhgënjyese tremujore të Netflix dhe Google, mbylli tremujorin e parë me të ardhura nën pritshmëritë në 27.9 miliardë dollarë, por në rritje krahasuar me të njëjtën periudhë të vitit të kaluar.

Megjithatë, rritja ishte 6.6%, më e ulëta që nga listimi në Wall Street dhjetë vjet më parë.

Fitimi neto ra në 7.46 miliardë, 21% më pak se 9.49 miliardë të tremujorit të parë të 2021, por mbi pritshmëritë e analistëve që llogaritën 7.1 miliardë. Investitorët janë të qetësuar nga të dhënat për ‘miqtë’, pasi përdoruesit aktivë të përditshëm janë rritur në 1.96 miliardë. Për tremujorin e dytë Meta vlerëson të ardhura nga 28 deri në 30 miliardë dollarë, pak më poshtë se 30.7 miliardë që analistët kishin parashikuar.

Tendenca në tremujorin e parë është lehtësese pas frikës së shkurtit, kur Meta njoftoi një rënie më të theksuar të fitimit sesa pritej, një perspektivë e dobët për të ardhurat dhe një rënie të përdoruesve aktivë të përditshëm.

Që nga shkurti, aksionet e Meta kanë humbur gati 44% dhe gjigandi i Zuckerberg ka harxhuar afro 388 miliardë dollarë në kapitalizimin e tregut.

Leave A Reply

Your email address will not be published.