Rudina Hajdari zbulon dhe shpall kandidaturën për deputete: Ky qark jo më pjesë e krimit

0 422

25 prilli po afron dhe dita-ditës partitë politike zbulojnë drejtuesit politikë në qarqe, si edhe kandidaturat për zgjedhjet parlamentare. Kështu ka bërë edhe këtë të enjte Rudina Hajdari, e cila ka shpallur kandidaturën e saj për deputete në qarkun e Elbasanit, nën siglën e nismës ”Thurje”.

“Zgjodha Elbasanin, jo vetëm se jam rritur duke u larë në lumin Shkumbin, por sepse së bashku me shumë të rinj e të reja ne besojmë se mund të sjellim një ndryshim të vërtetë. Besojmë se Elbasani nuk mund të jetë vazhdojë të një qendër e krimit të organizuar e as të damkoset si i tillë. Besojmë se Elbasani mund të zhvillohet si qendër industriale larg ndotjes dhe mungesës së kujdesit për shëndetin, siç ndodh deri më sot. Besojmë se qarku i Elbasanit ka një potencial të madh për t’u kthyer në një qendër të rëndësishme turistike”, tha ish-deputetja e Partisë Demokratike. “Kjo betejë mes të resë dhe të vjetrës sapo ka nisur dhe fundi dihet: ne do të fitojmë, ata do të humbasin”.

Hajdari shpjegon edhe pse vendosi të kthehet në Shqipëri, për t’u marrë me politikë. ”Për dy arsye kryesore. E para: për të ndjekur rrugën e tim ati, i cili e deshi aq shumë këtë vend, saqë dha edhe jetën në shërbim të tij. Dhe e dyta: për të reflektuar në politikën shqiptare ato vlera dhe parime me të cilat u mbrujta gjatë shkollimit dhe punësimit tim në SHBA.

Leave A Reply

Your email address will not be published.