Lazio po përgatitet për një revolucion të vërtetë në fund të këtij sezoni. Pikëpyetja e parë që kërkon të marrë një përgjigje të shpejtë është e ardhmja e Thomas Strakosha.
Sipas mediave italiane, është e qartë që portieri kuqezi as që ka ndërmend të rinovojë kontratën e tij aktuale që i skadon në fund të sezonit, pasi ofertat për të nuk mungojnë, mbi të gjitha në Premier League.
Për Strakoshën interesohet Newcastle, ndërsa së fundmi ka shtuar presion edhe ekipi i Watford. Këta të fundit janë një opsion shumë konkret por më parë duhet të sigurojnë mbijetesën në elitën e futbollit anglez, në të kundërt Strakosha nuk firmos por do të shqyrtojë me qetësi ofertat e tjera, pasi sipas Erjon Bogdanit, Strakosha ka admirues të shumtë, në Serie A por edhe në Bundesligë.
