Vijon zjarri në ishullin e Sazanit, Mbrojtja: Situata kritike, tymi i krijuar rrezikon qëndrimin në zonë

0 36

Në ditën e tretë të zjarrit në Ishullin e Sazanit situata vijon të jetë shqetësuese. Zjarri vijon të jete aktiv në një sipërfaqe te konsiderueshme në pjesën lindore të ishullit përball qytetit të Vlorës.

Me dhjetëra pisha shekullore janë shkrumbuar dhe vijojnë të digjen edhe ditën e hënë. FA gjatë mbrëmjes së djeshme kanë luftuar me flakët të mbështetur edhe nga ADZM, por shuarja e zjarrit ka qenë e pamundur.

Ditën e sotme flakët vijojnë dhe pritet që në ishullin e Sazanit të nisen edhe punonjës së zjarrfikëses . Siç duket dhe nga pamjet që janë marrë nga qyteti i Vlorës e ishulli është i rrethuar nga një mjegull tymi dhe duken qartë vatra zjarri që janë aktive.

Është dhënë urdhër që asnjë foto ose video të mos i përcillet mediave. Po ashtu një rrezik evident në ishull janë dhe municionet e mbetura të cilat shpërthejnë nga zjarri.

Deri sa të shuhen flakët e zjarrit dhe te pastrohen mbetjet e municioneve ishulli i Sazanit do te jete i mbyllur për turistët.

Dyshohet se shkak i zjarreve në Sazan janë papërgjegjshëmria e pushuesve që shkojnë me mjete të vogla dhe pa leje ,ndezin zjarre për ushqimet e tyre, ndërkohë qe në ishullin e Sazanit janë vetëm katër ushtarë që monitorojnë gjithë ishullin dhe kjo është e pamundur.

Ndërkohë në lidhje me zjarret ka reaguar edhe Ministria e Mbrojtjes, e cila bën me dije se ka rinisur puna për shuarjen e zjarrit në ishull, por situata vijon të jetë kritike për shkak të erës që e përhap zjarrin me shpejtësi.

Njoftimi:

Prej orëve të para të ditës ka rinisur puna për shuarjen e zjarrit në ishullin e Sazanit. Situata vijon të jetë kritike, pasi flakët përhapen për shkak edhe të erës. Është shtuar numri i efektivëve që janë angazhuar në aksionin e shuarjes së zjarrit, me pjesëtarë të Flotiljes Detare në Pashaliman, efektivë të Forcave Speciale, zjarrfikëses së Vlorës dhe vullnetarë. Tymi i krijuar rrezikon qëndrimin në zonë, ndërsa përpjekjet po vijojnë për të mbajtur situatën nën kontroll .

Leave A Reply

Your email address will not be published.