Zgjedhjet e parakohshme lokale/Paloka për ”KJ”: E ka kërkuar SHBA-ja, Rama do pushtet me kriminelë
Kryeministri Edi Rama në takimin e sotëm me deputetët e PS-së, mësohet se ka thënë se nuk do të ketë zgjedhje të parakohshme lokale edhe pse gjysma e bashkive që u ”fituan” nga PS-ja në votimet njëpartiake të 30 qershorit, sot nuk janë të krye të detyrës.
Në një prononcim për ”Koha Jonë”, nënkryetari i PD-së, Edi Paloka, thekson se fjalën e fundit për këtë çështje e ka Gjykata Kushtetuese dhe jo kreu i qeverisë. Sipas Palokës, 30 qershorin e ka bërë nul edhe raporti i vëzhguesëve ndërkombëtarë, ku shton edhe se është edhe një nga kushtet e BE-së për Integrimin e Shqipërisë.
Nga ana tjetër, nënkryetari i PD-së rendit arsyen e fortë që shpjegon pse vjen kjo deklaratë nga Rama, ku nënvizon se kryeministri ka në plan kapjen e Gjykatën Kushtetuese.
”Rama që bën deklarata të tilla ose ka vendosur të mos lejojë ngritjen e Gjykatës Kushtetuese siç ka bërë deri më tani me gjithë kërkesat e opozitës dhe komunitetit ndërkombëtar për ngritjen sa më parë të saj, ose është i bindur në suksesin e përpjekjes tjetër të tij, atë të kapjes së Gjykatës Kushtetuese. Këto janë të vetmet mënyra kriminale, për të mos lejuar zhvillimin e zgjedhjeve lokale e për të mbajtur edhe për disa muaj në këmbë një pushtet të vjedhur e të inkriminuar”.
Prononcimi i plotë
Nuk është Rama që vendos se kur bëhen zgjedhjet lokale. Përveç faktit që një numër i madh bashkish sot janë pa kryetar sepse të emëruarit e Ramës kanë rezultuar të inkriminuar, ju kujtoj që do jetë Gjykata Kushtetuese që do të jap vendim për 30 qershorin.
Këtë e ka kërkuar SHBA, ështe në kushtet e BE-së dhe është përfshirë në raportin e OSBE-ODIHR-it. Në fakt raporti i vëzhguesëve ndërkombëtarë, 30 qershorin e ka bërë nul po sidoqoftë mbetet që vendimin me detyrimin për zbatim ta japë Gjykata Kushtetuese.
Rama që bën deklarata të tilla ose ka vendosur të mos lejojë ngritjen e Gjykatës Kushtetuese siç ka bërë deri më tani, me gjithë kërkesat e opozitës dhe komunitetit ndërkombëtar për ngritjen sa më parë të saj, ose është i bindur në suksesin e përpjekjes tjetër të tij, atë të kapjes së Gjykatës Kushtetuese.
Këto janë të vetmet mënyra kriminale, për të mos lejuar zhvillimin e zgjedhjeve lokale e për të mbajtur edhe për disa muaj në këmbë një pushtet të vjedhur e të inkriminuar!
