Zgjedhjet e parakohshme? Ndoka: Këtë vit, mbase në muajin tetor

0 255

Kreu i Partisë Demokristiane dhe aleati i PD-së, Nard Ndoka ka paralajmëruar këtë të enjte për qeveri tranzitore dhe se sipas tij, zgjedhjet e parakohshme do të mbahen në tetor. ”Tetori mund të jetë muaj zgjedhjesh, a do të jenë zgjedhjet lokale apo të parakohshme është në vartësi të ngritjes së Gjykatës Kushtetuese”. Nga ana tjetër, ai thekson se ”Pjesa më e debatueshme është organizimi i zgjedhjeve, nga kush do të organizohen këto zgjedhje. Është e domosdoshme në këto momente që kjo të ndahet përfundimisht, për faktin që organizimi i zgjedhjeve nga një qeveri tranzitore është e domosdoshme në këto kushte”,-tha në TCH.

Rama nuk e ka pranuar këtë ndërkohë?

Nuk mund të themi që nuk e ka pranuar këtë Rama, ai se ka pranuar publikisht por në bazë të informacioneve që kam unë është luhatur goxha. Kuptohet nga presioni i ndërkombëtarëve se nuk është që ai e bën një lëvizje të tillë nga dëshira, është një standard edhe i Maqedonisë së Veriut i cili do të implementohet edhe në Shqipëri është e pashmangshme. Organizimi i zgjedhjeve parlamentare do të bëhet nga një qeveri tranzitore edhe për disa vite, derisa Shqipëria të bëhet pjesë e bashkimit Europian.

Sa muaj përpara mund të hyjë në fuqi tranzitore kjo qeveri 3 muaji, 6 muaji?

3 muaj përpara është e mjaftueshme, sepse nuk do të ndryshojnë 100% ministritë.

Ju jeni për zgjedhje të parakohshme?

E para ka një agjendë që të jemi të qartë. Agjenda e Bundestagut gjerman vendos disa kushte dhe standarde për politikën shqiptare. Rama është në kufijtë e pamundësisë për t’u përballur me hapjen e negociatave.

Pra ju thoni se kushti i BE-së mund të prodhojë zgjedhje të parakohshme në Shqipëri?

Kjo është e padiskutishme.

Kur mund të ndodhin?

Tetori mund të jetë muaj zgjedhjesh, a do të jenë zgjedhjet lokale apo të parakohshme është në vartësi të ngritjes së Gjykatës Kushtetuese.

Leave A Reply

Your email address will not be published.