Basha: Biznesi i vogël drejt falimentimit. Me taksat e qytetarëve të shpëtohet ekonomia, jo të pasurohen oligarkët

0 33

Kryetari i PD-së, Lulzim Basha, pas takimit në selinë blu me përfaqësues të shoqatës së biznesit të vogël, tha se vëmendja tani duhet të jetë tek ajo që ai e quajti pandemi ekonomike. Sipas Bashës, gjendja ku ndodhet tani biznesi, duke mos u ndihmuar nga qeveria është parathënie e krizës ekonomike.

”Biznesi i vogël është në vështirësi të mëdha dhe po shtyhet drejt falimentimit. Kjo rrezikon të dalë në rrugë si të papunë qindra të vetëpunësuarve në këtë sektor. Vëmendja e qeverisë është tek oligarkët dhe jo tek biznesi i vogël që përbën motorin e ekonomisë shqiptare. Paratë që ka paguar gjatë viteve sot ka nevojë ti marrë mbrapsht si lehtësi fiskalë. Po ashtu ka nevojë për një paketë të qartë masash të cilat do të ndihmojnë në hapjen graduale sipas protokolleve të sigurisë, por jo hapje që mos të paguajë biznesin. Biznesi i vogël po vuan edhe masa të tjera arbitrare. Siç është masa e faturës afrove e energjisë. Pra në vend që të ndihmohet, biznesi i vogël po përballet me vështirësi të jashtëzakonshme që janë të shkaktuara nga mungesa e mbështetjes nga kjo qeveri. Ndërkohë paratë e taksave shkojnë për oligarkët”.

Kurse kryetari i shoqatës së biznesit të vogël tha se dy paketat e qeverisë janë lëmosha dhe jo për ti ardhur vërtet në ndihmë. “Gjendja nuk është e mirë, po kalon drejt një degradimi total. Është një situatë që qeveria ka aprovuar vetëm 2 paketa. Këto nuk janë për ne. Këto janë paketa ndihme sociale. Në luftë siç e quan qeveria nuk paguan askush taksa. Është emergjente. Nuk ka asnjë plan konkret. Këto paketa nuk ndihmojnë biznesin. Përkundrazi po na degradojnë dhe duket sikur duam lëmoshë. Ne nuk duam lëmoshë, ne duam atë që na takon”.

Deklarata e plotë e Lulzim Bashës për mediet

Në vazhdën e takimeve që kam organizuar me përfaqësuesit e biznesit në Shqipëri, sot kam takuar kryesinë e Shoqatës Kombëtare të Biznesit të Vogël. Biznesi i vogël është në vështirësi të mëdha dhe po shtyhet drejt falimentimit. Kjo rrezikon daljen në rrugë si të papunë të dhjetëra, ndoshta qindra-mijëra të vëtëpunësuarve nga ky sektor. Gjithë vëmendja e qeverisë është tek oligarkët, nuk është tek njerëzit, nuk është tek biznesi, në veçanti tek biznesi i vogël. Por biznesi i vogël përbën motorrin e ekonomisë shqiptare, përbën bazën e ekonomisë shqiptare dhe përfshin numrin më të madh të të vetëpunësuarve në këtë sektor.

Paratë që ka paguar gjatë viteve, taksat që ka paguar gjatë viteve sot ka nevojë më shumë se kurrë t’i marrë mbrapsht ose si lehtësi fiskale, ose si subvencionim, si mbështetje financiare. Dhe po kështu ka nevojë për një paketë të qartë masash që do të ndihmojnë në hapjen graduale, sipas protokollit të sigurisë, por jo hapje thjesht për të mos paguar biznesi. Sepse në qoftë se biznesi hapet, por konsumatori nuk lejohet të shkojë tek biznesi kuptohet qartë se situata është kaotike, është e pashpresë dhe do të vazhdojë të rëndohet. Përveç kësaj biznesi i vogël në veçanti, sikundër i gjithë biznesi, po vuan masa të tjera arbitrare të ndërmarra kuturu; siç është përshumbull fatura aforfe, fatura aforfe e energjisë, e cila shkon me vlerën e marsit 2019 tek biznese që kanë 6 javë që kanë mbyllur qepenat.

Pra, në vend që të ndihmohet siç po e ndihmon çdo vend tjetër i rajonit, të mos flasim për Europën, siç po e ndihmon Kosova, siç po e ndihmon Maqedonia e Veriut, biznesi i vogël po përballet me vështirësi të jashtëzakonshme që janë të shkaktuar nga mungesa totale e mbështetjes nga kjo qeveri. Ndërkohë paratë e taksave të shqiptarëve vazhdojnë të shkojnë për oligarkët. Paratë e taksave të shqiptarëve shkojnë kudo përveçse aty ku ka më shumë se nevojë se kurrë shqiptarët sot, tek njerëzit në nevojë, tek biznesi i vogël, tek mbështetja tek ata që po humbin vendet e punës. Situata është dramatike.

Së pari, mbështesim totalisht kërkesat e drejta të biznesit të vogël. E njohim dhe e kemi ndjekur gjendjen përpara pandemisë. Gjatë pandemisë në mënyrë pothuajse të përditshme kam qenë në kontakt jo vetëm me këta zotërinjtë, por edhe me përfaqësues të biznesit të vogël në qytetet kryesore të vendit. Dhe po vazhdojmë ta ndjekim në kushte kur nga njëra anë pretendohet mbështetje me fjalë, por nga ana tjetër biznesi vetë po denoncon se asnjë mbështetje nuk ka.

Me propagandë, me shfaqe televizive dhe me mashtrime, biznesi jo vetëm nuk po ndihmohet, por po zhytet gjithmonë e më thellë. Zhutja e bizneist të vogël në këtë situatë është parathënie e krizës ekonomike. Ndaj, e gjithë vëmendja jonë dhe e gjithë energjia jonë duhet të jetë tek pandemia ekonomike, që po i zë vendin pandemisë COVID 19. Është pandemia ekonomia 2020, që ka një autor dhe një shkaktar – këtë qeveri dhe këtë kryeministër, që e kanë braktisur biznesin në ditën e vet më të vështirë. Taksat ua kanë marrë për vite me radhë, taksat ua kanë rritur, faturat ua kanë rritur për vite me radhë. Tani që kanë nevojë për paratë e tyre, nuk po kërkojnë lëmoshë, asnjë nga ato dhjetëra mijëra biznese që nuk kanë parë asnjë qindarkë, megjithëse u është premtuar mbështetje, nuk kërkon lëmoshë, kërkon që të mbështetet nga taksat, sepse qeveria prandaj ekziston. Taksat që merr nga qytetarët, t’i përdorë për qytetarët. Sot, taksat që ka marrë nga biznesi i vogël, taksat që ka marrë nga të gjithë qytetarët, përfundojnë kudo, përveçse tek ata që kanë nevojë. Ose më mirë të themi, përfundojnë tek një grusht njerëzish, tek nje grusht oligarkësh me të cilët, kjo qeveri vazhdon të ndajë favore, tendera korruptivë dhe pasuritë e vendit.

Leave A Reply

Your email address will not be published.