Eksperti i arsimit në PD: Asnjë mësues nuk do të marrë më pak se 700 euro në muaj

0 88

Eksperti i arsimit në Partinë Demokratike, Ndriçim Mehmeti ka treguar sesi do të ndryshojë trajtimi i mësuesve me programin qeverisës të PD-së. Duke vënë në dukje pagat aktuale jo të mira dhe kushtet jo dinjitoze me të cilat punojnë aktualisht mësuesit, Mehmeti theksoi se PD-ja do të rrisë pagat e mësuesve 60 për qind.

Ndër të tjera, eksperti që është pjesë e programit të PD, thotë se arsimi do të përfitojë në mënyrë profesionale, pra aftësitë do të jenë ato që do të vendosin vendin e punës për çdo mësues.

”Kjo është e vërtetë, prandaj programi ynë synon mësuesin. Mësuesi në qendër të dijes dhe të arsimit për fëmijët tanë. Ne do të rrisim pagat me 60%. Asnjë mësues në arsimin parauniversitar nuk do të marrë më pak se 700 Euro në muaj. Me këtë përfitojnë 35 mijë mësues dhe 3 mijë edukatorë. Ne do të depolitizojmë arsimin. Më 25 prill ne do të kemi mësues më të përkushtuar, mësues më të vlerësuar. Më 25 prill Shqipëria fiton”.

Leave A Reply

Your email address will not be published.