Kryetarja e LSI, Monika Kryemadhi, ka denoncuar sot në një postim në rrjetet sociale, se administrata e inceneratorëve ka shpenzuar 1.8 mln dollarë nga taksat e shqiptarëve për bileta avioni.
Në videon e publikuar Kryemadhi thotë se prej vitit 2018-202, edhe pse përgjatë 2020 pandemia ishte në kulmin e saj shoqëritë e Klodian Zotos, kryen udhëtime me vlerë 186 065 607 Lekë.
“Administrata e inceneratorëve më shumë në ajër se në tokë!
1.8 milionë dollarë nga taksat e shqiptarëve janë përdorur për bileta avioni, edhe në pikun e pandemisë kur bota ishte e mbyllur!
Kjo është arsyeja pse Rama nuk i ndalon pagesat e kostove SHUMË të fryra të inceneratorëve të Tiranës dhe Fierit!
Ndiqni paranë, aty fle lepuri i korrupsionit të qeverisë!”, shkruan Kryemadhi krahas videos.
