Mesazhi i Presidentit Meta për 8 dhjetorin: Koha për restart, nuk ka rrugë tjetër

0 45

Presidenti Ilir Meta, ka uruar Ditën e Rinisë përmes rrjeteve sociale. Në një postim të shoqëruar me foto të Azem Hajdarit dhe Lëvizjes së Dhjetorit, kreu i shtetit pranon që në 3 dekada nuk është bërë sa duhet për të qenë aty ku e meritonin sakrificat e tyre. Ai bën thirrje që rinia të marrë në dorë fatet e veta për të vendosur demokracinë dhe llogaridhënien. Është koha për restart, shkruan Meta, do t’ia dalim me sukses sepse nuk kemi rrugë tjetër, përfundon ai.

Postimi i Metës

Gëzuar 8 Dhjetorin 1990! Të bekuarën Ditën Kombëtare të Rinisë, Ditën e Studentëve, Ditën e Misionarëve që vranë frikën për të ndezur Pishtarin e Lirisë dhe Demokracisë në vendin e shqiponjave! Sot përulemi me mirënjohje të veçantë ndaj Lidershipit Heroik të Azem Hajdarit dhe atyre djemve e vajzave, të cilët u përplasën të parët me Dhunën e regjimit, duke frymëzuar një popull të tërë për kryengritje paqësore.

Nderojmë shpërthimin e vullkanit të guximit marramendës rinor për të përmbysur regjimin më të ashpër izolues dhe shtypës në kontinent, por ndihemi dhe po aq borxhlinj që në tre dekada nuk kemi bërë aq sa duhet për të qenë aty ku e meritonin sakrificat e tyre.

KOHA PËR RESTART! Për rivendosjen e Demokracisë dhe Llogaridhënies! Për ta bërë Shqipërinë, si gjithë Europa! Unë besoj shumë në shpirtin energjik të të rinjve të Shqipërisë dhe në fuqinë e aftësive të tyre për ta transformuar dhe përmirësuar cilësisht të ardhmen e popullit tonë.

KOHA PËR RESTART! Për të guxuar! Për t’u bashkuar! Që Rinia të marrë në dorë fatet e saj dhe të mbarë vendit!

Nëse jo Rinia, kush tjetër? Nëse jo sot, kur? DO T’IA DALIM ME SUKSES SEPSE NUK KEMI RRUGË TJETËR! E duam Shqipërinë si gjithë Europa! Kjo ishte thirrja e tyre, teksa kapërcenin barrierat policore dhe dhunën e regjimit.

 

Leave A Reply

Your email address will not be published.