Organizata Botërore e Shëndetësisë njoftoi të enjten se janë të paktën 24 sulmet që janë verifikuar ndaj sistemit të kujdesit shëndetësor në Ukrainë që nga fillimi i pushtimit rus më 24 shkurt.
“Këto sulme kanë çuar në të paktën 12 të vdekur dhe 17 të plagosur. Të paktën 8 nga të plagosurit dhe 2 nga të vrarët janë verifikuar se janë punonjës shëndetësorë. Sulmet ndodhën midis 24 shkurtit dhe 8 marsit”, u shprehën përfaqësues të OBSH për CNN.
Rusia bombardoi të mërkurën një maternitet dhe një spital për fëmijë në Mariupol, veprim ky që është dënuar gjerësisht.