PD nxjerr emrat e blerësve të votave në veri/ Alibeaj: SPAK e dinte që prej 16 prillit

0 85

Partia Demokratike ka nxjerrë emrat e atyre që sipas tyre, kanë vjedhur dhe kanë manipuluar vota në zgjedhjet e 25 prillit. Kandidati që fitoi mandatin e deputetit, Enkelejd Alibeaj në një deklaratë për mediat nga selia blu bëri me dije se zgjedhjet e 25 prillit ishin finalizimi i qendrimit në mënyrë të paligjshme në pushtet i dyshes Rama-Doshi. Po ashtu Alibeaj tha se PD kishte kallëzuar në SPAK që prej 16 prillit masakrën elektorale që ishte duke u zhvilluar në Pukë. Konkretisht sipas PD, Benet Beci, Tom Doshi, Mark Frroku, Gjon Gjonaj dhe disa persona të tjerë kanë blerë vota me 100 euro në Pukë. Personi kyç sipas Alibeajt që ka organizuar shitblerjen e votës në terren ishte Mark Frroku që përmendet nga demokratët në disa episode, ku përmenden emra konkretë të personave të angazhuar nga Mark Frroku për blerjen e votave.

Deklarata e plotë

Zgjedhjet e 25 Prillit nuk ishin të lira, të ndershme dhe demokratike. Në 25 prill ishte finalizimi i ekzekutimit të planit për të qendruar në pushtet përmes blerjes së votave nga aleanca Rama-Doshi. Partia Demokratike e ka denoncuar këtë plan në organet e drejtësisë përpara zgjedhjeve, por SPAK nuk bëri asgjë për ta ndaluar masakrën e blerjes së votave. Në 16 prill kemi kallëzuar në Prokurorinë e Posaçme Antikorrupsion krimin elektoral të blerjes së votave në zonën e Pukës nga njerëzit e Edi Ramës dhe vetë Tom Doshi.

Benet Beci, kandidat i Partisë Socialiste në qarkun e Shkodrës, Tom Doshi, kryetar i Partisë Socialdemokrate dhe kandidat në këtë qark, Mark Frroku, ish deputet aleat i Ramës, me rekorde kriminale, Gjon Gjoinaj, Kryetar i Bashkisë Pukë dhe disa nëpunës të tjerë dhe persona privatë kanë vepruar si bashku si një grup i struktuar kriminal për blerjen e votës me 100 euro për person në zonën e Pukës.

Ne kemi vënë në dijeni SPAK se në krye të skemës kriminale qendron Benet Beci, i cili ka angazhuar në zonën e Pukës Mark Frrokun dhe gjithë lidhjet e tij kriminale, të përdorura që nga zgjedhjet e vitit 2013. SPAK nuk bëri asgjë, megjithëse ishte në dijeni se:

ü Në Gjergjan të Pukës, Mark Frroku ka organizuar familjen Luka për blerjen e votave,
ü Në Rrapë anëtarë të familjes Lasku,
ü Në Qerret administratorin e njësisë Martin Përdedaj,
ü Në Qelëz ka angazhuar për blerjen e votave Administratorin e Njësisë, Florin Kolaj, këshilltarin bashkiak Arben Guga dhe shoferin e kryetarit të Bashkisë Pukë, Sokol Frroku.
ü Në qytetin e Pukës, ka patur disa pika shpërndarje të parave për blerjen e votës, kryesisht lidhje familjare të Mark Frrokut apo punonjës në pronat e kryebashkiakut të Pukës, Gjon Gjoni.
ü Në Fierzë skema kriminale e blerjes së votave është drejtuar nga Benet Beci, në cilësinë e Drejtorit të KESH-it dhe nga Vasil Musliu, Drejtor i Hidrocentralit në Fierzë.
ü Në Fushë Arrëz, skema kriminale e blerjes së votave dhe e shpërndarjes së parave organizohet nga vetë Tom Doshi.

Për të gjitha këto informacione SPAK është vënë në dijeni dhe ka heshtur. Nëse do të kishte bërë detyrën, do të kishte zbuluar se pikërisht në këtë zonë, pak orë zgjedhjeve, policia ka kapur në flagrancë një furgon të Partisë Socialiste, që shpërndante para dhe është urdhëruar nga eprorët ta lirojë menjëherë. Të vërtetat e masakrës elektorale të 25 prillit nuk do të shkojnë dëm. Si përfaqësues të shumicës së shqiptarëve që duan një Shqipëri jo peng të krimit, ne kemi për detyrë të çojmë deri në fund betejën e përbashkët për rikthimin e demokracisë dhe rrëzimin e rregjimit Rama-Doshi-Rakipi.

Leave A Reply

Your email address will not be published.