“Serbia synon të shpopullojë Medvegjën në një lojë të pandershme të korrigjimeve të pabarabarta territoriale”.
Kështu u shpreh Presidenti Ilir Meta gjatë ceremonisë në të cilën nderoi me titullin “Kalorës i Urdhrit të Skënderbeut”, veprimtarinë nga Lugina e Preshevës, Muharrem Salihu.
Si një sipërmarrës që prej vitesh jeton në Itali, Salihu ka investuar në Medvegjë për të ndihmuar me punësimin në zonë, duke luftuar procesin e pasivizimit të adresave. Presidenti Meta theksoi se me veprimtarinë e tij, Muharrem Salihu prej vitesh “lufton të ndalë një proces problematik, atë të mpakjes sonë si komb”.
