Presidenti Meta: Të mos devijohet asnjë milimetër nga marrëveshja e 5 qershorit

0 76

Presidenti i Shqipërisë, Ilir Meta ka reaguar për shifrat e larta të azilkërkuesve nga Shqipëria në vendet e BE. Duke publikuar të dhënat e institucioneve ndërkombëtare, Presidenti Meta shprehet se Shqipëria nuk meriton të renditet mes vendeve problematike. Sipas këtyre të dhënave Shqipëria renditet e katërta në botë, pas Sirisë, Afganistanit, për numrin e azilkërkuesve.

Kreu i shtetit bën përgjegjës për këtë situatë autoritarizmin qeveritar, korrupsionin dhe drejtimin e gabuar të vendit. Kreu i shtetit shton se vendi duhet të rikthehet në normalitet dhe hapi i parë është zbatimi pikë për pikë i marrëveshjes së 5 qershorit.

“Shqipëria nuk e meriton të renditet midis këtyre vendeve! Shqipëria meriton vetëm të ardhme europiane! Mjaft me Drejtimin e Gabuar të autoritarizmit, arrogancës, korrupsionit dhe marrëzisë, që po i varfëron dhe po i lodh kaq shumë shqiptarët, duke i detyruar të largohen nga vendi. Hapi i parë për rikthimin në Drejtimin e Duhur është respektimi pikë për pikë i Marrëveshjes së 5 Qershorit dhe mos devijimi prej saj as një milimetër. Të rikthejmë shpresën duke rikthyer sovranitetin në duart e popullit, me hapjen e listave 100% dhe plotësimin e të gjitha kushteve të BE“,- deklaron Meta në një reagim në Facebook.

Leave A Reply

Your email address will not be published.