Shorti i Europa League/ Milani sfidon serbët e Zvezdës, United dhe Arsenali pa fat!

Në Nyon të Zvicrës është hedhur shorti i fazës së 1/16-ve të Europa League, ku nuk kanë munguar as përballjet interesante. Pa fat Manchester United, që pas eliminimit nga Championsi do të ketë një provë të vështirë ndaj kryesuesve të Real Sociedad. Milani do të jetë i impenjuar ndaj Crvena Zvezdës, skuadra serbe që gjatë verës sfidoi Tiranën në Champions League, duke na eliminuar me një gol të Tomane. Arsenali ndërkohë do të ketë një duel të vështirë ndaj një ekipi me shumë eksperiencë në kompeticionet europiane si Benfica, ndërkohë që Tottenham do të sfidojë Wolfsberg-un.