Forcat ruse kanë shkelur armëpushimin e përkohshëm të rënë dakord dhe po sulmojnë një korridor humanitar nga qyteti i rrethuar i Mariupolit, ka thënë ministria e Jashtme e Ukrainës.
Autoritetet ukrainase dhe ruse kishin rënë dakord më herët për planet për një korridor humanitar për të lejuar civilët të largoheshin.
Gjithashtu janë shkelur armëpushimet e përkohshme të ditëve të mëparshme.
Situata është bërë e dëshpëruar në Mariupol, me mungesë të ushqimit, ujit dhe energjisë elektrike.
Presidenti ukrainas tha më herët se një fëmijë vdiq nga dehidratimi në qytet për shkak të mungesës.
Iryna Vereshchuk, zëvendëskryeministrja e Ukrainës, tha se korridori humanitar në Mariupol nuk u hap “për shkak të bombardimeve”.
Ajo tha se situata nënkuptonte se gratë, fëmijët dhe të moshuarit u penguan të largoheshin – por gjithashtu nënkuptonte se mallrat kritike si uji, ilaçet bazë dhe ushqimi nuk mund të dërgoheshin në qytet.
“Është një katastrofë humanitare që ka nevojë për vëmendjen e gjithë botës”,-tha ajo në një fjalim televiziv.
